صـَمـت ..!

/

/

للمشاعر صمت في لحظة حضورك
وللمشاعر طعن في صمت الغياب

ايه ياذيك الرحاب ..
اللي سكنت صدري سنين
ولاحدٍ غيرك سكنها .. أو ملاها بالحنين..
أو تعلّم من عروقي النزف.. وانغام الأنين ..

يا جروحي.. وش تبين!

وانت ياللي ساكنٍ فيها.. ولا كنّك سمعت ..
شفت وش كثر الجروح ؟
شفت وش وسع الرحاب ؟؟
شفت وش يترك حضورك ..؟؟
نفسه .. يتركه الغياب ..

..

والله ان البعد [ موجع ]
والعذاب اللي يزور القلب لحظة رجعتك .. والله موجع ..
والطعون اللي تسابق لي الا منّك نطقت ..
والشجون اللي غفت نيرانها وهي تحتريك ..
والرماد اللي بقى منّك .. شفه ..
والرماد اللي حيا منّك .. شفه ..
هذا انا.. وهذي ضلوعي الناشفه ..
هذا صدري وافتحه لاشتقت تحزن ..
أو اذا حبيت حزني .. يصبح احسن ..

وهذي هي آخر دموعي.. واقفه ..
تبكي لحظّي .. قبل تبكي عليك ..

ياقريبٍ يابعيد .. ولا انت يمّي..
خلني ببقى لهمي .. وش عليك!!

لنته داري بالوجع ..
ولنته عارف بالعذاب ..
ايه اموت .. ارحم واحسن ..

من حضورك ... بالغياب ..!!